Sohbetek bi derhêner Miraz Bezar re/Ciwan Tengezar

0
28
REKLAM    

Lola (Der Deutsche Filmpreis) xelata herî mezin a fîlmên Almanyayê ye.

Ji premiyera ne fermî (Li Diyarbekirê, meha Gulanê 2009) û premiyera fermî (Li Ispanya-Sen Sebastianê, meha îlona 2009an) heta niha bi qasî 2 salan derbas bûne.
Fîlm cara dawî îsal li „Berlinealle“ de hat nîşandan, heta niha tev li 30-40 festîvalan bûye.
Derhêner bixwe 18 festîvalan de amade bûye.

Bi ya Miraz Bêzar taybetmendî û dîrokiya festîvala „Pusan“ê (Koreya başûr) heye.
1.Li seranserê cîhanê cara yekem tenê li Koreya başûr „Sînemaya serbixwe ya kurdî“ hatiye bi nav kirin û nasandin.

2.Konferansek li ser fîlmên kurdî hatiye li dar xistin. Miraz Bêzar, Mano Xelîl, Mustafa Gündogdu tev lê bûne; bîr û baweriyên xwe di derbarê fîlmên kurdî de bi lêv kirine.

3.10 fîlmên kurdî; fîlmên Yilmaz Güney, „Min dît“, fîlmên belgeyî nîşan dane. Festîvala „Pusan“ê nirx daye û xweseriya sînemaya kurdî nas kiriye/daye nasandin.
Danberheva temaşevanên Kurdistan/Tirkiyeyê û temaşevanên Koreya başurê:
Min dît,

Li Kurdistan/Tirkiyeyê wek fîlmeke belgeyî tê dîtin.

Li Koreya başûr aliyê huneriya fîlmê hatiye dîtin. Hevbeşiya çîroka Hänsel-Gretel hatiye hîs kirin (Temaşevanan gelek pirsên kûr û detay ji derhênerê pirsîne)
Derhêner Miraz Bêzar bajarê Diyarbekirê mîna daristaneke kaotîk dibîne, mina çîroka Hänsel-Gretel.

Ez jê hîn dibim, ku ji bo ku konsantrasyona temaşevanan kêm û sist nebe, 2 sahneyên fîlmê jê kirine. Lê belê temaşevanên Koreyî mîna ku wan sahneyan hest kirine, di derbarê sahneyên jê kirî de ji derhenêre pirsan kirine.
Miraz xemgîn e:

“Mixabin fîlm li ser Internetê ilegal tê temaşe kirin; bi dublaja (senknirizasyon) almanî. Li Tirkiye jî hin malper, linka xwe de dublaja almaniya fîlmê nîşan didin. Kêm û zêde bi qasî sed hezar kes ilegal lê temaşe kirine û hê tê temaşe kirin.“
Misyona fîlmê ziman e, zimanê kurdî ye. Temaşekirina dublaja almanî, armanc û mîsyona fîlmê pûç û bê mana dike.

Medya

Herî pir medyaya tirkî eleqe lê nîshan dane, wek rojnameya Zaman, Taraf û Radikal û televîzyonên wek NTV û CNN Turk..

Bi tenê rojnamegerekî ANFyê bi derhêner re hevpeyvîneke bi dîmen çêkiriye û wê di ROJ Tv de nîşan dane. Ji bilî Roj tv tu TVyeke kurdî lê eleqe nîşan nedane.
Cara yekem ji medyaya alman WDR fîlmê kiriye.

Derhêner 4-5 salan li ser fîlma xwe xebitiye û pir zehmetî kişandiye. Derhêner dibêje ku ew pir westiya ye, loma di gelek kêlikên xweş de tehm jê negirtiye.
Lola

(ZDF-Freitag, 8. April 2011, 22.15 Uhr, Der Deutsche Filmpreis 2011)

8.03.11an roja înî saet 22.15an de zindî li ZDFê xelatên 2011an ên almanî bên belav kirin. „Min dît“ jî di kategoriya senaryoyê de tevî du fîlmên din berendamê xelatê ye.
Ji nav 60 fîlman de sê fîlm di kategoriya senaryoyê de bûne berendam.
Li Almanyayê 11.000 hezar kes li sînemayê fîlma „Min dît“ê temaşe kirine.
Fîlma duyem ku di heman kategorî de berendam e, 1,5 mîlyon kes lê temaşe kirine
Fîlma sêyem jî nîv milyon kes lê temaşe kirine.

şansa bi destxistina xelatê, hindik e lê ev derfet nasandina sînemaya kurdî û herwiha nasandina derhênerê bixwe ye.

Miraz Bezar

Li sala 1971an de li Enqereyê hatiye dinê.
Kurtefîlmên wî: Berîvan, Für Fern, Freiwild
Di warê şanoyê de berhema wî ya almanî „Das Märchen vom letzten Gedanken“
„Min dît“ fîlma wî ya yekem a dirêj e.
Miraz li Berlinê dijî û xwe kurd/alman bi nav dike.
Miraz Bêzar xwe di parçeya pêncemîn a sînemaya kurdî de dibîne; parçeya 5. Biyanistan (Diyaspora) e.

Reklam

ŞIROVE BIKE

Ji kerema xwe re şîrove bike!
Ji kerema xwe navê xwe binivîse